Yutong kompaniyasining 2026 yil boshida taqdim etilgan E9 modelidagi zamonaviy elektrobusi Namangan viloyati, Namangan shahriga sinov tariqasida ekspluatatsiya o‘tkazish uchun yetkazildi.

23-may kuni Namangan viloyati hokimi yangi elektrobus bilan shaxsan tanishdi. U elektrobusning texnik ko‘rsatkichlari, ekologik tozaligi, batareya quvvati va yo‘lovchilar uchun yaratilgan qulayliklarini yuqori baholadi. Viloyat rahbari bunday innovatsion transport vositalarining shahar yo‘lovchi tashish tizimiga bosqichma-bosqich joriy etilishi muhimligini ta’kidladi.

Sinov tariqasida ekspluatatsiya o‘tkazish bilan “Express Dolina” MCHJ shug‘ullanmoqda. Ushbu korxona Yutong korxonasining ishonchli mijozlaridan biri bo‘lib, Namangan viloyatida yo‘lovchi tashish xizmatlarini modernizatsiya qilishga intiladi.

Yutong E9 modeli:

· To‘liq elektr quvvati – nol chiqindi;

· Kam shovqin darajasi;

· Yuqori energiya tejamkorlik;

· Zamonaviy interyer va xavfsizlik tizimlari.

Elektrobuslarning yo‘lga qo‘yilishi Namanganda jamoat transporti sifatini yangi bosqichga olib chiqish, ekologik barqarorlikni taʼminlash va aholiga qulay xizmat ko‘rsatish imkoniyatlarini kengaytirishi kutilmoqda.