Andijon, 2026-yil may oyi – Yutong kompaniyasining O‘zbekistondagi rasmiy hamkori tomonidan Andijon viloyatiga 16 ta zamonaviy va yuqori sifatli avtobus olib kelindi. Ushbu avtobuslar jamoat transporti infratuzilmasini rivojlantirish va aholiga qulay, xavfsiz hamda ekologik toza xizmat ko‘rsatish maqsadida ishlab chiqarilgan.

Yangi avtobuslar bilan shaxsan Andijon viloyati hokimi tanishdi. U avtobuslarning texnik holati, qulayliklari, harakat xavfsizligi tizimlari va yoqilg’i tejamkorlik xususiyatlarini yuqori baholadi. Viloyat rahbari Yutong avtobuslari viloyat yo‘lovchi tashish tizimida muhim o‘rin egallashiga ishonch bildirdi.

Yutong avtobuslari o‘zining ishonchliligi, zamonaviy dizayni va past yoqilg‘i sarfi bilan dunyoning ko’plab mamlakatida tanilgan. O‘zbekistonda ham Yutong brendi mahalliy transport sohasini modernizatsiya qilishda faol ishtirok etib kelmoqda.

Yaqin kunlarda avtobuslar Andijon shahri yo‘lovchi tashish yo‘nalishlariga chiqarilishi kutilmoqda.